1. Жалпы ережелер
1.1. Осы ережелерде бас әріппен жазылған терминдер келесі мағынаны білдіреді:
1.1.1. Қонақ немесе Қонақтар – Жауапты тұлға және/немесе Жауапты тұлғаның шақыруымен шале аумағында болған кез келген басқа тұлға.
1.1.2. Шале – «Rifugio Verde» шалесі, белгілі бір ақыға уақытша тұруға ұсынылады.
1.1.3. Жауапты тұлға – Шаленің брондау ақысын төлеген жеке немесе заңды тұлға.
1.1.4. Мейрамхана – Шале жанындағы «Rifugio del Monte» мейрамханасы.
1.2. Осы ережелер Қонақтардың шале аумағында тұру шарттарын белгілейді. Егер Қонақтар тобының тұруына қатысты жеке келісім-шарт жасалған жағдайда, бұл ережелер мұндай келісім-шартқа қайшы келмейтін бөлігінде қолданылады.
1.3. Осы ережелер барлық Қонақтарға, азаматтығына және болу ұзақтығына қарамастан қолданылады. Ал төлем жасау және Қонақтардың іс-әрекеттері (әрекетсіздігі) үшін материалдық жауапкершілікке қатысты ережелер Жауапты тұлғаның ұйымдастырушылық-құқықтық нысаны мен меншік нысанына қарамастан оған да қолданылады.

2. Шаленің брондалуы
2.1. Шаленің брондалуы тұрудың алғашқы күндеріндегі құнының кемінде 100% (жүз пайызы) мөлшерінде алдын ала төлем жасалған жағдайда жүзеге асырылады. Тұру кезінде алдын ала төлем бастапқы күндердегі тұру ақысына есептеледі.
2.2. Бронь үшін төлем Жауапты тұлғаның брондау кезінде көрсеткен электрондық поштасына немесе WhatsApp нөміріне жіберілген «Nero Bianca» ЖШС-і шотына сәйкес жүзеге асырылады. Ерекше жағдайларда, «Nero Bianca» ЖШС-інің өз шешімімен, алдын ала төлемсіз брондау мүмкіндігі қарастырылған.
2.3. Брондау келесі шарттар бойынша жойылады:
2.3.1. Жоспарланған келуден 14 (он төрт) күннен астам уақыт бұрын бронды жою кезінде 300 000 (үш жүз мың) теңге мөлшерінде айыппұл ұсталады. Ал егер алдын ала төлем жеткіліксіз болса, көрсетілген айыппұл төленуі тиіс.
2.3.2. Жоспарланған келуге 14 (он төрт) күннен аз уақыт қалған жағдайда бронды жою кезінде алғашқы түнгі тұру құнының 100% (жүз пайызы) мөлшері ұсталады.
2.4. Осы ережелердің 2.3-тармағын ескере отырып, бронь жойылған жағдайда ақшаны қайтару төмендегі құжаттардың негізінде жүзеге асырылады:
2.4.1. Жауапты тұлғаның шале брондауын жою туралы және ақшаны қайтару үшін банк шотының деректерін көрсеткен хаты;
2.4.2. Бронь үшін төлем жасауды растайтын құжаттың фотосуреті;
2.4.3. Тұлғаны куәландыратын құжаттың фотосуреті (жеке тұлғалар үшін).
Қаражатты қайтару 5 (бес) жұмыс күні ішінде Жауапты тұлғаның көрсеткен банк шотына аударылады.

3. Шале үшін төлем
3.1. Шале үшін төлем толығымен Қонақтың (Қонақтардың) орналасу уақытына дейін жүргізілуі тиіс. «Nero Bianca» ЖШС-і тиісті төлемнің түспеуі салдарынан Шалеге орналастырудан бас тартылған жағдайда ешқандай шығындарды өтеуге жауапты болмайды және жауапкершіліктен босатылады.
3.2. Шале үшін тұру бағасы ЖШС «Nero Bianca» тарапынан біржақты өзгертілуі мүмкін. Алайда, өзгертілген бағалар төлемі жүргізілген броньдарға қолданылмайды.
3.3. Есептік уақыт:

• Кіру уақыты: 15:00;
• Шығу уақыты: 12:00.

3.4. Ерте келу және кеш кету «Nero Bianca» ЖШС-імен жазбаша келісім арқылы жүзеге асырылады. Ерте келу және кеш кету шарттары жеке келісім бойынша анықталады.
3.5. Шалені мерзімінен бұрын босату бронь кезінде көрсетілген күндерге сәйкес барлық тұру күндеріне төлемді ұстап қалумен жүзеге асырылады. Ерекше жағдайларда «Nero Bianca» ЖШС-інің біржақты шешімімен тұру төлемінің бір бөлігін қайтаруы мүмкін. Мұндай қайтару жауапты тұлғаның банктік шотына аударылу арқылы жүзеге асырылады.

4. Шаледе тұру шарттары
4.1. Шаледе тұру жауапты тұлғаның және/немесе Қонақтардің жеке басын куәландыратын құжаттарды: паспортты, жеке куәлікті, туу туралы куәлікті ұсыну шартымен жүзеге асырылады. Шетел азаматтарынан ҚР заңнамасына сәйкес виза мен көші-қон картасын көрсету талап етілуі мүмкін.
4.2. «Nero Bianca» ЖШС-і жауапты тұлғаның және/немесе Қонақтардің жеке деректерін Қазақстан Республикасының заңнамасында көзделген жағдайларда пайдалана алады. Бұл мақсатта «Nero Bianca» ЖШС-і жеке куәлік құжаттарының көшірмелерін үшінші тұлғаларға жарияламау шартымен сақтай алады (мемлекеттік органдар заңды өкілеттіктері шеңберінде қоспағанда).
4.3. «Nero Bianca» ЖШС-імен жазбаша түрде келісілмеген болса, онда Қонақтардің саны 6 (алты) адамнан аспауы тиіс.
4.4. Шалені стандартты тазалау күнделікті жүзеге асырылады. Қосымша тазалау «Nero Bianca» ЖШС-імен жазбаша келісім арқылы жүргізіледі.
4.5. Мейрамхана қызметтері үшін төлем Мейрамхананың кассасында жүзеге асырылады.
4.6. Жеке қауіпсіздік пен мүлікті сақтау мақсатында Қонақтарға ұсынылады:
· Шале мен Мейрамхана мүлкі мен жабдықтарына ұқыпты қарау;
· Шаледен шыққан кезде электр құрылғыларын (тоңазытқыштарды қоспағанда) өшіру, сантехникалық құрылғылардың крандарын жабу, терезелерді және Шале есігін жабу;
· Қоғамдық тәртіп, санитария және өрт қауіпсіздігі ережелерін сақтау.
4.7. Тәртіп пен қауіпсіздікті қамтамасыз ету мақсатында Қонақтарға тыйым салынады:
· Шаледен декор немесе интерьер заттарын шығару;
· Жануарларды «Nero Bianca» ЖШС-імен жазбаша келісімсіз ұстау;
· Шале ішіндегі жиһазды орнынан қозғау;
· Шаледегі сауна пешіне су құю;
· Кәмелетке толмағандарды саунада және/немесе бассейнде қараусыз қалдыру;
· Саунада тамақ пен сусын тұтыну;
· Шале кілтін бөгде адамдарға беру;
· Шаледе жанғыш, жарылғыш, улы немесе есірткілік материалдарды сақтау;
· Шаледе темекі шегу;
· «Nero Bianca» ЖШС-і ұсынған құрылғылардан басқа жылыту құрылғыларын пайдалану;
· «Nero Bianca» ЖШС-імен жазбаша келісімсіз іс-шаралар өткізу.
4.8. Өрт сигнализациясы іске қосылған жағдайда «Nero Bianca» ЖШС-і өкілдері оның себебін анықтау үшін Шалеге кіруге құқылы. Мұндай жағдайда өкілдер есік қағып немесе қоңырау шалу арқылы ескертеді, ал Қонақтар 5 (бес) минут ішінде есікті ашпаса, өкілдер өз кілттерін пайдаланып Шалеге кіреді.
4.9. «Nero Bianca» ЖШС-і Шале аумағына бейнебақылау жүргізуге, мұндай жазбаларды сақтауға және қажет болған жағдайда тәртіпті қамтамасыз ету немесе мемлекеттік органдарға тапсыру мақсатында пайдалануға құқылы. Шаленің ішінде бейнебақылау жүргізілмейді.
4.10. Шаледен кету уақытына дейін 30 (отыз) минут бұрын жауапты тұлға «Nero Bianca» ЖШС-і өкіліне хабарлауға, Шале кілтін қайтаруға, қосымша қызметтерге төлем жасауға және Шале мүлкіне келтірілген залал үшін өтемақы төлеуге міндетті.

5. Жауапкершілік
5.1. Осы ережелерді сақтау жауапкершілігі әрбір Қонаққа, сондай-ақ жауапты тұлға немесе Қонақтар шақырған тұлғаларға жүктеледі. Мүлікке келтірілген зиян үшін өтемақы жауапты тұлға арқылы жүргізіледі.
5.2. «Nero Bianca» ЖШС-і жауапты тұлғадан келесі айыппұлдарды өндіріп алуға құқылы:
· Шале кілтін жоғалтқаны үшін – 10 000 (он мың) теңге;
· Өрт қауіпсіздігі мен қоғамдық тәртіп ережелерін бұзғаны үшін – 100 000 (жүз мың) теңге;
· Осы ережелерді бұзудың басқа жағдайлары үшін – 30 000 (отыз мың) теңге.
5.3. «Nero Bianca» ЖШС-і қалалық коммуникациялардың (жарық, су, жылу және т.б.) жұмысына жауапты емес және олардың ақаулы жұмысына байланысты залалды өтемейді.
5.4. «Nero Bianca» ЖШС-і Қонақтар тарапынан осы ережелердің бірнеше рет немесе өрескел бұзылуы жағдайында қызмет көрсетуден бас тартуға және Шаледен шығаруды талап етуге құқылы.
5.5. «Nero Bianca» ЖШС-і төтенше жағдайлар, табиғи апаттар, соғыс және басқа да форс-мажорлық жағдайларда міндеттемелерін орындамағаны үшін жауапты болмайды.
5.6. Шаңғы маусымы аяқталған немесе жолдар жабылған жағдайда Қонақтар келмегеніне қарамастан, жауапты тұлға осы ережелерге сәйкес төлем жүргізуге міндетті.
5.7. Осы ережелермен реттелмеген құқықтық қатынастар Қазақстан Республикасының заңнамасымен реттеледі.